ტუნინგ კომპანიამ ABT R8–ს ახალი მოდიფიცირებული მოდელის, R8 GT R–ის მხოლოდ 25 ეგზემპლარის გამოშვება დაგეგმა. ავტომობილის განსაკუთრებულობა მისი სარბოლო ხასიათია, რასაც ადასტურებს Recaro–ს სპორტული სავარძლები (შესაბამისი სარბოლო ღვედებით), სპორტული ზამბარები, კერამიკის მუხრუჭები, სპორტული საჭე, დახვეწილი და მკვეთრად გაუმჯობესებული აეროდინამიკული დეტალები და ძრავი. სტანდარტული 525 ცხ.ძ–დან სიმძლავრე გაზარდეს 620 ცხ.ძ–მდე. შედეგად მისი 0–100 კმ/სთ–მდე აჩქარება შემცირდა 3.2 წამამდე, ხოლო 200 კმ/სთ–მდე აჩქარება კი 9.9 წამამდე. მისმა მაქსიმალურმა სიჩქარემ 325 კმ/სთ–ს მიაღწია. მის ასეთ სისწრაფეს მასაც უწყობს ხელს, რომელიც 100 კგ–ით შეამცირეს. ამ უნიკალურ მოდელში ყველაფერია იმისთვის, რომ ავტომობილის მართვა მაქსიმალურად სასიამოვნო გახდეს.