ბრიტანულმა კომპანიამ McLaren, რომელიც უკვე დიდი ხანია მოღვაწეობს ავტოსპორტში და უშვებს უმაღლესი დონის სპორტულ ავტომობილებს, როგორიცაა McLaren F1 და Mercedes-Benz SLR McLaren, კვლავ ჩაებმება უახლესი super car–ების კონკურენციაში და 2011 წლისთვის გეგმავს გამოუშვას MP4-12C. კომპანიის ხელმძღვანელი Ron Dennis–ის თქმით ავტომობილი დიდ სიახლეს შემოიტანს ავტოსამყაროში და "ახალ ფურცელს დაწერს" მაკლარენის ისტორიაში. განსხვავებით მაკლარენის წინა მოდელებისგან, ამ მოდელს ყველაფერი ექნება თავად მაკლარენის. ძრავი (M838T) დაამზადეს 3.8 ლ. მოცულობის, რომელიც გამოირჩევა მცირე ტევადობით, სიმსუბუქით, ეკონომიურობით და ეკოლოგიურობით. ცოტა რთული წარმოსადგენია V8 twin-turbo 600 ცხ.ძ სიმძლავრისა და 600 ნმ მაბრ. მომენტის მქონე ძრავი იყოს ეკონომიური და გამოყოფდეს იმაზე ნაკლებ ნამწვ აირს, ვიდრე სხვა დანარჩენი ამ კლასის, მაგრამ მწარმოებელთა თქმით მათი ახალი სტანდარტებიც სწორედ ამაში მდგომარეობს. გადაცემათა კოლოფი 7 საფეხურიანი SSG (Seamless Shift Gearbox) გამოირჩევა არჩევითი რეჟიმული მუშაობით და აქვს შემდეგი რეჟიმები: 'normal', 'sport' (ამცირებს გადართვის დროს), 'automatic', 'launch control' და 'winter'. ასევე ხელმისაწვდომია სტანდარტული მექანიკური სიჩქარეტა გადაცემის კოლოფიც. ის არაა გათვლილი მხოლოდ სიმძლავრისა და ტექნოლოგიურობის ახალ სტანდარტებზე, მასში ასევე წამოწეულია დინამიკა, მართვა და მთავარი, ეკოლოგიურობა. მათი გათვლის ძირითადი მიმართულება ასეთ ეფექტზე იყო წონის შემცირება, რაც მოახერხეს კარბონის ძარით, დეტალებით, მუხრუჭებით (რომელიც უფრო მსუბუქი აღმოჩნდა, ვიდრე კარბონ კერამიკის), გამოსაბოლქვი სისტემით, ძრავის კომპაქტურობით და ა.შ. გამოშვვებული ავტომობილების 25% გაიყიდება დიდ ბრიტანეთში, 25% ამერიკაში, დანარჩენი ევროპაში და მცირე ნაწილი აზიაში.