Lumma Design-მა შექმნა ახალი ტუნინგ პაკეტი Porsche Cayenne-ის მეორე თაობისთვის, რომელსაც 3.0 ლ მოცულობის 6 ცილინდრიანი ძრავი აქვს. პაკეტი მოიცავს ცვლილებებს დიზაინში როგორც გარე დეტალების, ასევე სალონშიც. ავტომობილის ძრავის ცვლილებებმა გამოსაბოლქვი სისტემის შეცვლასთან ერთად განაპირობა ის, რომ სიმძლავრე 240 დან 276 ცხ.ძ-მდე გაიზარდა, მაბრ. მომენტი კი 550-დან 630 ნმ-მდე.

გერმანულმა ტუნინგ კომპანია Inden Design –მა შექმნა ტუნინგ პაკეტი Mercedes-Benz SL 63 AMG –თვის. შეიცვალა თითქმის ყველა დეტალი – დაემატა სპოილერები, შეიცვალა დაკიდების სისტემა და დისკები, რამაც საბოლოოდ ავტომობილს განახლებული უფრო აგრესიული იერი შესძინა.

ავსტრიულმა კომპანია Koenigseder-მა შექმნა ტუნინგ პაკეტი Nissan GTR-ისთვის, რომელიც განსხვავებული და საკმაოდ ორიგინალური ფორთოხლისფერით გამოირჩევა. ავტომობილის გარეგნობაში ცვლილებები უმრავლესმა აეროდინამიკულმა დეტალმა განიცადა, განახლდა გამოსაბოლქვი სისტემა, ჰაერის ფილტრი და ECU-ც, რითაც მისი სიმძლავრე 580 ცხ.ძ-მდე გაიზარდა და შედეგად 0-200 კმ/სთ-მდე ასაჩქარებლად მას მხოლოდ 9.8 წამი სჭირდება.

შვეიცარიული კომპანია Shaston SA და Lumma Design-მა ერთობლივად გადაწყვიტეს ტუნინგ პაკეტის გაკეთება BMW 760Li-სთვის. გარეგნულად ავტომობილმა მიიღო უფრო აგრესიული სახე და და დაიხვეწა მისი აეროდინამიკაც. ცვლილებას განიცდის როგორც მისი ინტერიერიც, ასევე V12 twin-turbo ძრავიც. ჯერჯერობით მისი სხვა დეტალები უცნობია. ავტომობილი 2011 წლის მარტში ოფიციალურად წარსდგება ჟენევის ავტო შოუზე.

როდესაც კომპანია Seat –ის გერმანელმა დილერმა Claus Kobia –მ გადაწყვიდა, რომ მას სურდა მომხმარებლისთვის კიდევ უფრო მძლავრი Cupra R –ი შეეთავაზებინა, ეს შანსი ხელიდან არ გაუშვა JE Design –მა და შექმნეს ჩვეულებრივისგან საკმაოდ განსხვავებული გარე დიზაინი და კიდევ უფრო მძლავრი ძრავი, რომელიც თითოეულ მომხმარებელზე იქნება იდენთიფიცირებული. უფრო კონკრეტულად კი ავტომობილის ძრავი 310 ცხენისძალას გამოიმუშავებს 400 ნ/მ მაბრუნებელი მომენტით, შეიცვალა ასევე გამონაბოლქვის და მართვის სისტემა. ამ ყველაფრის რეზულტატი კი ისაა, რომ 0 –დან 100 კმ/სთ –ს ავტომობილი 3 წამით ნაკლებ დროში ანვითარებს მაქსიმალური სიჩქარე კი 260 კმ/სთ –მდე გაიზარდა.

Kicherer -მა წარმოადგინა თავისი მორიგი ნამუშევარი - Mercedes SLS AMG Black Edition. ავტომობილს მოდიფიკაციის შემდეგ კიდევ უფრო მძლავრ და სტაბილურ შთაბეჭდილებას ტოვებს. ეს ყველაფერი კი სხვადასხვა დეტალების ცვლილებით იქნა მიღწეული. ასევე ძრავიც უკვე 629 ცხენისძალას გამოიმუშავებს, ამას ემატება კიდევ უკანა დიფუზორი და უჟანგავი მეტალის ახალი გამონაბოლქვის სისტემა.

გერმანულმა ტუნინგ კომპანია Prior Design –მა წარმოადგინა ახალი საკმაოდ აგრესიული ტუნინგ პაკეტი Mercedes-Benz SL –თვის. ერთ–ერთი შესამჩნევი მიზეზი მისი აგრესიულობისა არის შავი ფერი, რომელიც ამ კონკრეტული მანქანისთვის შეირჩა სხვა დანარჩენ დეტალთან ერთად.